Klappstýrubúningar!

Nú er ekki lengur á dagskrá að panta búningana sem við ætluðum upphaflega að panta.  Það er m.a. vegna þess hve seinar við vorum að fá staðfestingar á mælingum og greiðslur svo að búningarnir myndu ekki verða komnir í tæka tíð áður en tengdafólkið mitt kemur frá USA.  Þar af leiðandi þyrftum við að borga sendingarkostnað sem væri ca 800 dollarar.  Þegar ég var að panta þá fengust þær upplýsingar að í Kit. 1. var einungis hægt að velja fimleikabolinn eða magabolinn en það var ekki í stöðunni að báðir þessir hlutir væir í pakkanum.  Einnig fengust þær upplýsingar að búningarnir myndu líklegast ekki endast í meira en 1 ár, plús það að svarta efnið var gallað og þurfti að kalla inn alla búninga með svörtu efni og þeir búast ekki við að fá efnið aftur fyrr en eftir langan tíma.  Þetta er gígantískur kostnaður fyrir búning og tel ég þetta allt of mikið fyrir lítið.  Þetta var borið undir stelpurnar og voru allir sammála um að hætta við þetta. Þess vegna var ákveðið að leita annara leiða. 

Ég er í sambandi við Henson um að sauma á okkur búninga, verðtilboð verður komið á mánudag 14.des. Að þeirra sögn er verðið ekkert í líkingu við verðið úti.  Þeir hafa verið að gera mjög flotta fimleikaboli og fimleikasamfestinga og pils og eru alveg tilbúnir að sauma klappstýrubúninga.  Stelpurnar sáu sýnishorn af pilsum og fimleikabol á föstudag.

Einnig er hugsanlegt að saumakona í útlöndum geti saumað á okkur samskonar búning en verð er ekki komið.  Sendingarkostnaður myndi bætast við það.  Persónulega þá líst mér betur á Henson - minna vesen, enginn sendingarkostnaður, engin fjarskipti ogfleira og fleira, en þó er alltaf gott að athuga fleiri en 1 möguleika.=)

Magabolurinn, stuttbuxurnar, fimleikabolurinn (klappstýru-æfingarföt) og pompomin hafa verið pöntuð frá samskonar búð í USA sem er með þetta tilbúið svo það fer enginn tími í að búa það sérstaklega til.  Það verður því komið til landsins ca 10 jan.  =)

Ég vona að allir séu sáttir við þetta.  Ef einhver er ósáttur þá er þeim það velkomið að hringja í mig, einnig ef eitthvað er óskýrt eða ykkur langar einfaldlega bara að tala við mig um þetta.  Þetta hefur verið gígantískt vesen en vonandi er þetta allt að smella saman núna og ég vona að þetta leiði bara til þess að við fáum betri búning og meiri ánægju út frá því.  =)